المدونات

العملية هاصت
كل الناس تعتقد ان هي بس اللي بتفهم
انا لا اعتقد اني اكثر واحد بيفهم
لكن
في ناس كتير بتفهم اكتر مني
الشاهد هنا هو ان الناس لازم تخف شوية
الناس اللي هما بيحسبوا عمار الدنيا دي على اديهم
ايوه لازم يخفوا شوية
يخفوا على الناس و يخفوا على الحكومة
ويبطلوا اشاعات
ويبطلوا نصب
المدونات دي اتعملت عشان الواحد يفضفض
الناس اكتشفت فيه مكان واسع جدا للقباحة و قلة الادب
الناس اكتشفت انهم ممكن يلعبوا سياسة و ان الناس الفاضية تسمعهم
السياسة دلوقتي انك تلاقي اكل و شرب و لبس و مسكن
غير كده روح صلي شوية
لاقي وقت اكتر بر والديك
تصدق
المهم اتصرف ابني مش ترغي
اللي انا بعمله ده رغي
سلام

أنا اتأخرت

الحمد لله و بعد شهرين تقريبا أعود . .
أعود لكم من جديد . .
يمكن يكون زي سوبرمان . .
المهم إن أنا أحمد الله على ماأنا فيه . .
النهارده إعلان عودة. .
الشغل مش دلوقتي . .
سلام

على باب الله

على نهاية هذا الشهر بمشيئة الله هاحاول اكتب كل شهر . . يعني جلسة مجمعة . . أعتقد انه هايكون الجمعة الأولى من كل شهر . . أنا لسه مأخدتش قرار . . المهم أنا عايز اقول ان الناس اللي علقت على اللي بكتبه دي ناس مشكورة و تتردلهم في المدونات

ليه؟

ليه كده؟
عشان ايه؟
ايه اللي حصل علشان كل ده يحصل؟
انا مش فاهم
تبقى حمار
حمار؟
وستين حمار
ليه؟
البنت بتحبك
طيب مانا بحبها كمان
مش كفاية
ازاي؟
لازم هي تحس انك بتحبها
ماهي عارفه
انت غبي؟
الله؟
انا بقول هي لازم تحس تحس يا بني آدم
انا تعبان
يبقى هتوصل
نعم؟
روح و اقضي مصلحة
ايه؟
مصلحة . . حاجة مفيدة يعني
طيب و الموضوع اللي بقولك عليه؟
موضوعك مفهوش مشكلة يابني . . ربنا يسعدكو ويا بعض
طيب هو في مشكلة؟
مشكلتك جواك

هو ربنا ظالم؟؟؟

انا عن نفسي ماعتقدش . . بس الناس بتقول انه ربنا يعني بالعربي كده هيدخل اللي عايزه الجنه ويدخل اللي عايزه النار . . كده يعني . . شويه هنا و شويه هنا . . على اساس قبضة في الجنة و قبضة في النار . . انا ابويه مؤمن بكده . . بس انا مش مؤمن بكده
ربنا هيحاسب الناس و عشان ربنا كبير هيسامح في حقه اللي فرضه علينا و معملناهوش
انما اللي للعباد ربنا هيقتص منهم
بس في الآخر هيقبض قبضة واحدة من عفوه و ربنا اللي قال كده بعد شفاعة الناس و الانبياء و يطلعهم من النار و يدخلهم الجنه و يرضى عنهم
دول هم عتقاء الله
اللهم اجعلنا منهم
بس ان الناس تبقى متاكده انه ربنا كده ممكن يثدخلهم النار و هم موحدين و مؤمنين
لا
الكلام ده كلام فارغ
ودعوة للناس تكبر دماغها يعني بلا عباده بلا نيله يعني قمة الفوضى
احنا هانخلي الناس بالطريقة دي تبرطع في الذنوب على خلفية عبيطه
الخلفية دي هي خلفية قبضة في النار و قبضة في الجنة
حرااااام